ज्ञानेश्वर बाविस्कर - वाहनांच्या झुंडीत अडकून ह...

वाहनांच्या झुंडीत अडकून
होत राहतो श्वासांचा
नुसता कोंडमारा

कर्कश भोंगे, किंकाळ्या, गोंगाट
निमुटपणे सहन करावं लागतं सगळं
प्राबब्ध समजून !

कधी होईल सुटका
या कचाट्यातून एकदाची
म्हणून मोजावी लागते
वाहतूकभर टिकटिक....

तुलही येतो का उबग
बसल्या बसल्या
देवळात घंटानाद होतो तेव्हा ?

माणसांच्या निरनिराळ्या नवसांचा
किंवा मग नावडीच्या नैवेद्याचा
कधी वाटतो का तिटकारा ?

रीघ टाळून वाटतं का
करावंसं पलायन ?
की तूही मोजतोस
गाभार्‍यातळ टिकटिक
निवांत ?