रामधारी सिंह ‘ दिनकर ’ (१९०८-१९७४ ) - सागरतीरीच्या वाळूवर लिहिल...

सागरतीरीच्या वाळूवर
लिहिले होते नाव तुझे मी जेव्हा...

आठवतंय ना,
तू हसली होतीस
अन् होतीस म्हणाली :

‘ हा काय वेडगळपणा ?
रममाण होउनी इतका
जणू कोरिशी नाव शिलेवर...!
पण मला वाटते, हे लोभस रेखांकन
होईल अमर...
वार्‍याचे तर नाव नको...
नाहीच पुसू शकणारही
याला सागर ! ’

आणिक तेव्हापासूनी खरोखर
नाव तुझे मी अशा प्रकारे
लिहिले आहे की
सागरलहरी टाकु न शकतिल
त्याला पुसुनी

फुलात असतो सुगंध जैसा
नाव तुझे तैसेच गुंफिले
मी माझ्या या गीतामधुनी

बघ, अवघ्या विश्वास गीत हे
जाईल पसरुनी

आणि पिढ्या त्या
जन्मच ज्यांनी
घेतला न अजुनी

नाव तुझे घेतील...

...घेतील पुन:पुन्हा
गुणगुणुनी !