उमेश मोहिते - माझ्या मित्रा, कुणाकडून त...

माझ्या मित्रा,
कुणाकडून तरी माझा पत्ता घेऊन
तू मला लिहिलंस...
मला खूप आनंद झाल तुझं पत्र पाहून !
सध्याच्या आधुनिक काळातही
कुणी तरी कुणाला तरी पत्र लिहितयं...!
तू पत्रात लिहिलंस :
‘ बायको कमवती असल्यानं
तूबीएचके फ़्लॅट आहे...
आउटिंगला जाण्यासाठी मोटार आहे...

मुलगी मॅनेजमेंट कोट्यातून
कॉम्प्युटर इंजिनिअरिंग करत आहे...
मुलगाही एमबीए करत आहे...
एकुणात सारं काही उत्तम आहे...! ’

पण मित्रा,
झडी वांबाळीत मेणकापडाचा घोंगता पांघरून
वावरात राबणार्‍या माय - बापांविषयीही
जर तू एखादी ओळ लिहिली असतीस
तर मला अधिकच आनंद झाला असता !