शेखर जोशी - अखेरचा श्वास थांबल्यावर स...

अखेरचा श्वास थांबल्यावर सुरू व्हावा
सनई...सतार किंवा संतूरचा आनंदी सूर
निश्चल देहाशेजारी
माझ्याच हस्ताक्षरातला असावा एक कागद
वाचता येईलसा...

‘ या जन्मात यानं शब्दांइतकंच सुरांवरही प्रेम केलं...
अगदी अनवट रागांच्या सुरांवरसुद्धा ! ’

पण नाही देऊ शकला त्यांना न्याय
आपल्या गळ्यातून हा माणूस
म्हणूनच सोबतीला असू द्या हे सूर
पुढच्या जन्मासाठी ( असलाच तर ! )
उपयोगी पडतील या सुरावटी
कदाचित सहज...
सापडेल ‘ सम ’ आणि ‘ लय ’ आयुष्याची
होईल प्रवास सोपा
या देहाचा...