प्रताप राजेशिर्के - झाड म्हणजे आय झाड म्हणजे ...

झाड म्हणजे आय
झाड म्हणजे माय
झाड म्हणजे तुमच्या-माझ्या
काळजातल्या हिरवाईची साय

झाड हवं अंगणात
झाड हवं परसात
झाड हवं तुमच्या-माझ्या
मनातल्या जंगलात

पाखरू गाई झाडांचं गाणं
झाडांचे सूर वारा वाहे
आकाशात घुमते झाडांचा नाद
मातीला कळते झाडांची साद

झाड नसते मुके
झड नसते आंधळे
झाडांची वाणी
कुणास का न कळे?

एकेक बी निवाडावी
पऊसओल्या मातीत रुजवावी
झाडाची जन्मगाथा
डोळ्यांत साठवावी

मी नाही जानबा
मी नाही तुकया
पण कुठून उगवलं झाड
माझ्या श्वासातल्या गाण्यात?