केदार पाटणकर - वाटत असते तुला पहावे; पण ...

वाटत असते तुला पहावे; पण मी पाहत नाही
नजर भेटली चुकून तर मग मीही लाजत नाही !

इथे आजवर तुझेच डोळे वाचत वाचत आलो...
कोण म्हणाले, आजकालची पिढीच वाचत नाही !

घाट, दर्‍यांची सावकाश मी मौज अनुभवत जातो
वेगाने मी कधीच कुठले अंतर कापत नाही !

दोघांनाही परस्परांची सवय एवढी झाली
परस्परांच्या दर्शनाविना दिवस उजाडत नाही !

गप्पांमध्ये ऊन्ह कोवळे मला म्हणाले होते:
‘ हल्ली त्याच्याशी इतकेही कोणी बोलत नही ! ’

या मुद्द्याची शत्रूंनीही नोंद घेतली आहे -
सहजासहजी मीही माझा मुद्द सोडत नाही !

तुम्हाविना मित्रांनो झाली अशी अवस्था माझी
टपरीवरचा चहा जिभेल गोडच लागत नाही !