श्रीहरिहरपुरत्न्रेत्रस्तोत्रम्

शुकमुखपूजिते त्रिभुवनावनकार्यरते
नतजनकाम्यदायि करुणावरुणावसथे ।
प्रियकमलविधी रथगजप्रमुखाखिलदे
नरहरिनीरसम्भवजनुर्दयिते कलये ॥१॥
श्रितजनहर्षदे जितमनोभवलभ्यपदे
फणिपतिसंस्तुते प्रणतसात्कृतसर्वफले ।
अखिलवरप्रदे गिरिसुताविधुघृत्सहजे
नरहरिनीरसम्भवजनुर्दयिते कलये ॥२॥
निखिलसमृद्धिदे सुरगणार्चितपादयुगे
विभवदसंस्मृतिजलधिजाविधिरब्धतनू ।
अहिरिपुपूजिते मनसिभूघटजादिनुते
नरहरिनीरसम्भवजनुर्दयिते कलये ॥३॥
निटिलकुलेखहे नतकृपाजनिभूहृदये
रुचिरकलेवरत्रिदिवभूललनाकलिते ।
नयचयदायिके स्मितजितक्षणदारमणे
नरहरिनीरसम्भवजनुर्दयिते कलये ॥४॥
इहपरसौरव्यदे पदरुचाहृतपद्मपदे
प्रणवरतप्रिये प्रणवमुख्यनिजाभिहिते ।
रविकनकच्छवी जितमन:सुलभाङ्घ्रियुगे
नरहरिनीरसम्भवजनुर्दयिते कलये ॥५॥