श्रीककुद्मितनयाहलायुधस्तव:

भवभीहरौ भजदभीष्टदायकौ
नलिनाननौ जलदजिष्णुकुन्तलौ ।
वरपूगदौ धवलनीलवाससौ
कलये ककुद्मितनयाहलायुधौ ॥१॥
अतिरम्यधीबलनिकृत्तसाध्वसौ
त्रिदशालिनम्यपदभक्तकाम्यदौ ।
कृतकृत्यताप्रदकृपाम्बुशेवधी
कलये ककुद्मितनयाहलायुधौ ॥२॥
वरसिद्ध्यनुग्रहमुखोद्धृतानतौ
तनुदार्ढ्यधीकनकमुख्यदायिनौ ।
भवभञ्जनौ भ्रमरनीरधृत्कचौ
कलये ककुद्मितनयाहलायुधौ ॥३॥
विनतासुतार्चितपदावघापहौ
कनकाभजतनुभाम्बुदप्रभौ ।
विमलात्मबोधदनती खलद्विषौ
कलये ककुद्मितनयाहलायुधौ ॥४॥
अतिदुष्टहस्तगतशिष्टरक्षकौ
श्रितकष्टहर्तॄनमदिष्टदायकौ ।
अनुरूपमानसलसत्परस्परौ
कलये ककुद्मितनयाहलायुधौ ॥५॥