श्रीमैथिलसुतारघूत्तमस्तुति:

भजदिष्टदौ भवभयालिभञ्जनौ
फणिकुन्तलौ करजिताम्बुसम्भवौ ।
शरदम्बुदाभवसनौ वरप्रदौ
कलयामि मैथिलसुतारघूत्तमौ ॥१॥
नतकाम्यदौ दिविजनम्यपादुकौ
जनिमृत्युहृद्विमलरम्यचेतसौ ।
करुणानिधी विहितकृत्यताप्रदौ
हृदि मैथिली रघुपती समाश्रये ॥२॥
नमदाञ्जनेयमुखभक्तिसिद्धिदौ
कनकादिसर्ववरदानतत्परौ ।
मधुकृत्कचौ भवपयोधिपारदौ
जनकात्मभूरघुपती भजेsनिशम् ॥३॥
विनताघहृद्विनतवैनतेयकी
कनकप्रभाघनपयोधाच्छवी ।
कलिकृन्तकौ विमलबोधदायकी
हृदि मैहिलीरघुपती समाश्रये ॥४॥
अखिलेष्टदौ निखिलकष्टनशकौ
कणभुक्श्रुतान्तमुखशास्त्रबोधदौ ।
निमिवंशरत्नरघुवंशशेखरौ
जनकात्मभूरघुपती भजेsनिशम् ॥५॥