श्रीमड्डङ्कपुराधिपलक्ष्मीदेवीलक्ष्मीकान्तस्तुति:

भुजगाम्भोधरभृङ्गशिरोजौ भजदमरागौ भवभयभञ्जनदीक्षाढ्यौ
वरततिवितरणमोदितविनतावरविन्दकरौ कनकविजिष्णुच्छविवसनौ ।
हृदयङ्गमतनुमतिगुणरम्यौ श्राणितकाम्यौ पौलोमीशादिमनम्यौ
वन्दे श्रीमड्डङ्कपुराधिपलक्ष्मीदेवीलक्ष्मीकान्तौ सततमहम् ॥१॥
कृपणकृपाम्बुधिहृदयाम्भोजौ कृष्णाकलितौ नम्रक्रुतान्तजभीतिहरौ
कनकदनमनौ कनकब्दतनू नानालीलौ सनकसनन्दनमुखविनुतौ ।
नीरधरद्युतिवेणीरुचिरौ शरणगवरदौ चरणपराजितकञ्जातौ
वन्दे श्रीमड्डङ्कपुराधिपलक्ष्मीदेवीलक्ष्मीकान्तौ सततमहम् ॥२॥
घनतरसच्चिन्मोदनकारौ विनताघहरौ विनुतातनुजनिनिजवाहौ
वाणीन्यक्कृतपरभृतगर्वौ पाणिधृताब्जौ वाणीगिरिजार्चितचरणौ ।
अष्टैश्वर्यस्पर्शनिपुणौ कष्टव्रजहाविष्टव्रातदकरुनाब्धी
वन्दे श्रीमड्डङ्कपुराधिपलक्ष्मीदेवीलक्ष्मीकान्तौ सततमहम् ॥३॥