श्री दिनेशरजनीधवस्तव:

भ्रमरकचौ नतेष्टवरदौ भवाब्धिकुम्भोद्भवौ
शुभततिदौ पयोभवकरौ शरत्पयोधृत्पटौ ।
रुचिरमती रुगादिशमनौ सुरालिनम्याङ्घ्रिकौ
हृदि कलये दिनधिपनिशापती अजस्रं मुदा ॥१॥
पुरुकरणौ रमेशनयने कृतान्तभीकृन्तनौ
धनमुखदौ ग्रहक्षितिपती कृतान्तसौम्यार्भकौ ।
[ कनककरोज्ज्वलाभकिरणौ नमज्जनानन्दनौ ]
हृदि कलये दिनधिपनिशापती अजस्रं मुदा ॥२॥
रुचिरकृती नताघहरणो गरुत्मदीडीडितौ
नलिनदृशौ प्रणुन्नतमसौ नयावलीश्राणकौ ।
विपदपहौ प्रणम्रशुभदौ समस्तसम्पत्तिदौ
हृदि कलये दिनधिपनिशापती अजस्रं मुदा ॥३॥