श्रीपराशरात्मजातस्तुति:

भजदमरतरुं करास्तपद्मं
भवभवभीशमनं तुषारकेशम् ।
हिमनिभवसनं सुमप्रदाङ्घ्रिं
हृदि कलयामि पराशरात्मजातम् ॥१॥
नतनरवरदं रमेशभक्तं
त्रिदशककम्बनुतं कृतान्तभीघ्नम् ।
गुणमणिरुचिरं कृपाम्बुराशिं
हृदि कलयामि पराशरात्मजातम् ॥२॥
नतसुरचलनं समस्तदार्चं
शुकमुनिराड्जनकं भवाब्धिपोतम् ।
घननिभवपुषं वलक्षकेशं
हृदि कलयामि पराशरात्मजातम् ॥३॥
नमदघहरणं नयप्रवीणं
पदनतपक्षिपतिं श्रुतान्तसक्तम् ।
विरचितमहापुराणजालं
हृदि कलयामि पराशरात्मजातम् ॥४॥