श्रीवामनमूर्तिहरिस्तोत्रम्

अगणितकोटिकोटिजलजोद्भवाण्डरक्षाकरं
भवविधिनारदस्मरशुकप्रमुख्यसंसेवितम् ।
वरुण्निकेतसम्भववपुर्हृदीशखर्वीकृतिं
हृदि कलयामि कश्यपतनुप्रजातकायं हरिम् ॥१॥
उडुपतिसोदरीहृदयवा:समुद्भवार्कद्युतिं
भुजगकुलावतंसकलितस्वकीयतल्पोत्तमम् ।
झषकमठादिमूर्त्तिततिधृन्नवीनरूपान्तरं
हृदि कलयामि कश्यपतनुप्रजातकायं हरिम् ॥२॥
मुरमधुकैटभाद्यखिलदुष्टदन्तिपञ्चाननं
बलिमुखधर्मवर्त्मनिरतप्रियस्वयंसेवकम् ।
अमृतकृते विलोडितपयोनिधिप्रसूवल्लभं
हृदि कलयामि कश्यपतनुप्रजातकायं हरिम् ॥३॥