श्रीनृसिंहगुरूत्तमस्तवः

कलितात्मबोधपदाननाखिलहृद्गतेप्सितमण्डली -
प्रतिपादनव्रजमुद्रिकायुतनैजपाणिसरोरुहम् ॥
कलये नृसिंहगुरूत्तमं रचकहा ( ? ) श्वलेशनिवारिता -
नतजन्ममृत्युजरादिसर्वभयव्रजादिमकारणम् ॥१॥
धरणीधरालिकिरीटभास्वररत्नरत्नणनोल्लस -
ञ्छविसंचयै: शबलीकृतारुणपादनीरभवद्वयम् ॥
कलये नृसिंहगुरूत्तमं निजचित्तपाथसिभूलस -
त्सर्वं ( ? ) भोज्यविरक्तिसूचकरागरञ्जितवाससम् ॥२॥
निजपादनीरसमुद्भवानतमृत्युमुख्यसमस्तभी -
व्रजनाशनव्रतदीक्षितस्वकराक्षलेशकलेशकम् ( लोचनपङ्कजम् ) ॥
कलये नृसिंहगुरूत्तमं भवराशिराशिनिसर्गजा -
गणिनार्तिसन्तनिमग्ननिर्गतिदीनलोककृपार्णवम् ॥३॥
कनकप्रभस्वकलेवरं कनकावलीविमुखाशयं
कनकप्रमुख्यसमस्तभाग्यवितारणोद्धृतगेहिनम् ॥
कलये नृसिंहगुरूत्तमं परमार्थतत्त्वविबोधनै -
र्भवसिन्धुमध्यसमुद्धृतानतमोक्षकाङ्क्षकमण्डलम् ॥४॥
पदभक्तिपूरितलोकसंमतविघ्नसन्ततिहेतुदं -
चरितावलीद्रुतभस्मसत्कृतिपण्डिताङ्घ्रिरज:स्मृतिम् ॥
कलये नृसिंहगुरूत्तमं यतिशीर्षरत्नपरम्परा -
करपङ्कसंभवपूजितात्मपदाम्बुसंभवयुग्मकम् ॥५॥
परतत्त्वबोधनधर्मवर्त्मविरुद्धमानसशासन -
प्रमुखाखिलाश्रमधर्मसूचकवेणुदण्डलसत्करम् ॥
कलये नृसिंहगुरूत्तमं कमलाक्षपादकजैमिनि -
प्रमुखाखिलोवतसमस्तशास्त्ररहस्यबोधनतत्पर ( पण्डित ) म् ॥६॥