श्रीश्रृंगगिरिक्षेत्रे श्रीगिरिजापतिशारदास्तवः

भजदभीप्सितदे भवभीहरे भुजगभृङ्गकचे जलभूकरे ।
वरवितारिपदे सितवाससी हृदि भजे गिरिजापतिशारदे ॥१॥
प्रणतकामितदे सुरपूजिते बहुलरम्यगुणे हरिसत्कृते ।
कृतकृतान्तहृते करुणार्णवौ हृदि दधे गिरिजापतिशारदे ॥२॥
पदनतोर्वशिके तुहिनप्रभे कनकदानरते कमलेक्षणे ।
भवपयोनिधिपारदसंस्मृते हृदि भजे गिरिजापतिशारदे ॥१॥
विनतपापहरे घनकुन्तले वृषमरालगते शशिशेखरे ।
डमरुशोभिकरं धृतवेणिकां हृदि दधे गिरिजापतिशारदे ॥२॥