श्रीजगत्पतिस्तोत्रम्

मलिनाशयव्रजदुर्लभ -
स्वपदं विरागिजनेक्षितं
सुरसङ्घ-दैत्यवरार्चिताङ्घ्रि -
युगं जरार्त्त्यपमृत्युहम् ॥
धननायकामरदेशिकोच्च -
विभूतिवाक्प्रदचिन्तनं
प्रणमत्कृपाजनिमेदिनी -
हृदयं जगत्पतिमाश्रये ॥१॥
र्गिरिराजवर्ष्मभवाग्रभू -
वपुषं करीन्द्रमुखप्रदं
प्रणताघपूगकुभूकुठार -
नर्तिसरीसृपशायिनम् ॥
तनुकान्तिलेशविधूतनव्य -
घनं शुकादिमुनीडितं
पुरुषोत्तमोत्तममूर्त्तिरम्य -
तनुं जगत्पतिमाश्रये ॥२॥
श्रितलोकसर्वसमीहित -
व्रजदं चतुर्भुजमण्डितं
नतचित्तदीपिततत्त्वदीप -
रुचं नराधिपताप्रदम् ॥
स्ववशस्थिताखिललोकपूग -
पदं ज्वराद्यखिलार्त्तिहं
दितिजादिदुष्टनिराकृति -
प्रवणं जगत्पतिमाश्रये ॥३॥
रथपाद - शंख - वराभया -
ढ्यकरं यमिव्रजभावितं
गिरिशाम्बुजासनमुख्य -
देवनुतं शमादिवितारकम् ॥
भवजाखिलश्रमवारकाङ्घ्रि -
नुतिं क्षमानिधिचेतसं
यमभीतिहृद्यममुख्यदान -
रतं जगत्पतिमाश्रये ॥४॥