श्रीपरमगुरुश्रीविष्णुस्वामिस्तुति:

जितमनसि भूमुख्याप्याङ्घ्रि: सरागसुदुर्लभो
नतजनजरादुर्मृत्युघ्नो धरागुरुदेशिक: ।
धिषणधनपन्यक्कृद्वाणीरमीकृतसन्नत:
सततमवताद्विष्णुस्वामी कृपाम्बुनिधिर्मम ॥१॥
भुजगशयनक्षोणीक्षारिप्रजन्मधवाकृति:
करिमुखरमादानासक्तो नमद्दुरितालिहृत् ।
यमिमणिशिरी भूषारत्नं परां क्षरतत्परो
हृदि विलसताद्विष्णुस्वामी कनत्कनकच्छवि: ॥२॥
विकृतिकणिकाहीनस्वान्तो वराभयदायको
विबुधनिकरस्तव्यस्वाङ्घ्रि: शमादिवितारक: ।
श्रमविततिहृद्वीक्षालेश: क्षमामृतशेवधि -
र्हृदि विहरताद्विष्णुस्वामी यमप्रमुखप्रद: ॥३॥