श्रीदशनायकस्तुति:

भृङ्गविजिष्णुकचं भजदिष्टदकल्पतरुं भवभीतिविनाशं
वीरनुताङ्घ्रियुगं शरदातृविजिष्णुकरं शरदम्बुदकेशम् ।
रम्यगुणालियुतं नतकाम्यकदम्बकदं सुरनम्यपदाब्जं
भूपतिमन्त्रिचमूपमुखं दशहायननायकमण्डलमीडे ॥१॥
कृत्स्नकृपाभरितं कृतसर्वजगत्यवनं हृतनम्रकृतान्तं
हेममुखाखिलदं ममतावितभक्तजनं नमदार्त्तिकृतान्तम् ।
धीरवधारिनुतं भवमुख्यकृपादनतं भवपारदपादं
भूपतिमन्त्रिचमूपमुखं दशहायननायकमण्डलमीडे ॥२॥
मानवमङ्गलदं विनताखिलपापहरं विनताजमुखेड्यं
वाणमुखास्रधरं प्रणतर्णमुखापहरं मरणादिहतुष्टिम् ।
इष्टवितारिजपं नतकष्टविनाशकरं निहृताष्टदरिद्रं
भूपतिमन्त्रिचमूपमुखं दशहायननायकमण्डलमीडे ॥३॥