श्रीकुजघस्रे श्रीकुजस्तोत्रम्

नतकाम्यसमस्तार्थदानतुष्टहृदम्बुजम् ।
सुरनम्यपदाम्भोजद्वन्द्वमुर्वीसुतं भजे ॥१॥
कृपारम्यमनोवृत्तिविलासाढ्यविचेष्टितम् ।
कृपाणमुखशस्त्रालिराजिहस्तं भजे कुजम् ॥२॥
पाणिपद्मलसच्छक्तिदृष्टिवेपितशास्त्रवम् ।
पादपद्मनतव्रातकृताघघ्नं भजे कुजम् ॥३॥
कृतान्तप्रमुखानम्रसर्वभीतिनिकृन्तनम् ।
कृपापीयूषवाराशिमानसाब्जं भजे कुजम् ॥४॥
शारदाम्भोदनीकाशवस्त्रवेष्टितवोग्रहम् ।
वरविश्राणनासक्तचित्तपद्मं भजे कुजम् ॥५॥
मेनारम्भोर्वशीमुख्यनाकनारीसमर्चितम् ।
अनाथनतसंरक्षाबद्धदीक्षं भजे कुजम् ॥६॥
कनकादिनताभीष्टसर्ववस्तुप्रदायकम् ।
गणितादिनयज्ञानदानदक्षं भजे कुजम् ॥७॥
भक्तव्रातसमस्तेष्टदायिस्वर्गमहीरुहम् ।
भवमृत्युमुखाशेषभीतिनाशं भजे कुजम् ॥८॥
भृङ्गभोगिपयोधारिवर्णशीर्षसमुद्भवम् ।
करकान्तिविनिर्धूतसरोजातं भजे कुजम् ॥९॥
संसाराब्धिनिमग्नालिपारप्रदपद्मस्मृतिम् ।
चञ्चलाकान्तिविभ्राजन्मञ्जुकायं भजे कुजम् ॥१०॥