श्री सुपर्वदेशिकस्तोत्रम्

भवाम्बुराशिकुम्भजं भुजङ्गवर्णमूर्धजम् ।
भजत्सुपर्वभूहहं भजे सुपर्वदेशिकम् ॥१॥
सुवर्णहर्म्यवल्लभाप्रमुख्यकाम्यवस्तुदम् ।
सुपर्वनम्यपादुकं भजे सुपर्वदेशिकम् ॥२॥
सुवर्णवर्णविग्रहं सुवर्णकान्तिवाससम् ।
सुपर्णनायकार्यकं भजे सुपर्वदेशिकम् ॥३॥
स्वपूर्वजन्युतथ्यकं द्विपोत्तमस्ववाहनम् ।
चतुर्भुजं बृहस्पति भजे सुपर्वदेशिकम् ॥४॥
धृताक्षसूत्रदण्डकं नतावलीष्टदायकम् ।
नताव्रजाधकृन्तनं भजे सुपर्वदेशिकम् ॥५॥