श्रीवैरोचनिश्रीवामनस्तोत्रम्

विन्ध्याल्यम्भोनिधिजनिधवौ दन्तावलादिप्रदौ
पापघ्नाङ्घ्री भुजगपतिसंस्तव्यमाहात्म्यलेशौ ।
अभ्रच्छायौ शुकमुखमुनिव्रातगीतापदानौ
कारुण्याब्धी मनसिं कलये वैरोचनिं वामनम् ॥१॥
योगिध्येयौ विधिहरमुखस्वर्गिप्रकाण्डेडितौ
रागघ्नाङ्घ्री विरतिनिरतप्राप्याङ्घ्रिपाथोसहौ ।
देवाल्यर्च्यौ कृतनतिजरादुर्मृत्युमुख्यापहौ
विश्वात्मानौ मनसिं कलये वैरोचनिं वामनम् ॥२॥
यक्षाधीशत्रिदशगुरुधिक्कर्तृनम्रार्थवाचौ
विज्ञानार्कौ प्रणतजनताभीष्टालिसंस्पर्शकौ ।
भक्तार्वीशौ त्रिभुवनगताशेषात्मबोधप्रदौ
रोगालिघ्नौ मनसिं कलये वैरोचनिं वामनम् ॥३॥
भीत्यालिघ्नौ कुजनदमनप्रौढात्मविक्रान्तकौ
देवै: शान्त्यै स्थलजलसरोजातादिपुष्पार्चितौ ।
संसारघ्नौ प्रणतवृजिनव्रातक्षमासागरौ
योगालीदौ मनसिं कलये वैरोचनिं वामनम् ॥४॥