श्रीअमरापगारविसुतास्तुति:

भवभीतिहे भजदोप्सिदे
हरिणाम्बिके मधुकराभकचे ।
वरदे शरत्सलिलधृद्वसते
अमरापगारविसुते कलये ॥१॥
स्मरहन्तृमारगुरुकाम्यतनु
सुरनम्यसर्वगुणरम्यमती ।
भवपारदे कमलधृष्चिकुरे
अमरापगारविसुते कलये ॥२॥
मुनिसंस्तुते विजितमोनदृशा -
वभयप्रदे धवलनीलतनू ।
दुरितार्त्तिधावककृपाम्बुनिधी
अमरापगारविसुते कलये ॥३॥
विनताजवाहनपदजादयिते
गिरिजाविदर्भतनुजासहिते ।
निजपाणिनिर्जितपय:प्रभवे
अमरापगारविसुते कलये ॥४॥
वदनाविधूकणभुगादिनुते
स्तनपीनताविजितभूमिधरे ।
अखिलेष्टदे सकलककले
अमरापगारविसुते कलये ॥५॥