श्रीविष्णुतीर्थभगवत्स्तुति:

सनकसनन्दनादियमिराट्समानशमतत्त्वबोधरुचिरा -
वनभवसंभवाम्बुभवदृक्सरोजरिपुशेखराकृतिधरान् ।
नतजनपापदावदहनान्यतीन्द्रमधुसूदनार्यकरजान्
परमगुरून्भजामि सततं जिताक्षमणिविष्णुतीर्थचरणान् ॥१॥
कृतफलकृष्णपादनमनान्कृतान्तशमनान्कृपार्द्रहृदया -
न्धरणिगुरुत्रिविक्रमगुरुप्रमुख्यविनुतान्यमिक्षितिपतीन् ।
कनकविजिष्णुकान्तिललनाललामकनकादिपाशविमुखान्
परमगुरून्भजामि सततं जिताक्षमणिविष्णुतीर्थचरणान् ॥२॥
प्रणतसमस्तकष्टहृतिभागभीष्टनिकरप्रदायकनति:
श्रुतिततिशीर्षतत्त्वहृदय ( सदय ) प्रकाशकलितात्मबोधहृदय: ।
अणिममुखाष्टसिद्धझटितिप्रदाननिपुणप्रसीदकणिक:
परमगुरु: प्रपातु सततं जिताक्षमणिविष्णुतीर्थचरणान् ॥२॥