श्रीपरमकवित्वभूतिस्तोत्रम्

सदयहृदं नतेष्टवरदं क्षितिमामुखदं
निखिलविदं जिताक्षसुलभ्म कलितप्रमदम् ।
श्रितशुभदं निलिम्पकलितं द्रविणव्रजदं
परमकवित्वभूतिमनिशं हृदये कलये ॥१॥
अमलधियं विभूतिदपदं विधिमुख्यनुतं
नयततिदं कृपाजलनिधिं स्मितधूतविधुम् ।
तुहिनरुचिं मनोहरतनुं स्थिरमङ्गलदं
परमकवित्वभूतिमुशन:पदमाकलये ॥२॥
प्रणवपरं पयोजनिदृशं जितधीमनसं
कलितशुभं मलीमसहरं विमलात्महृदम् ।
तनुदृढतामनोविमलताप्रतिभामुखदं
परमकवित्वमूर्तिमनिशं भृगुपं कलये ॥३॥