श्रीकवेरतनुजास्तव:

नम्राभीप्सितदा करास्तनलिना वस्त्रास्तनिर्वार्धना -
म्भोधृद्भोजिकचा भजत्सकलदा भाव्याब्धिचन्द्रोदय: ।
नम्या देवगणै: प्रकाम्यततिदा रम्याङ्गधीमानसा
भूयाद् भूमिकरी कवेरतनुजा चोलक्षमाभव्यदा ॥१॥
कृत्तानम्रविपत्कलिप्रशमनी कारुण्यपाथोनिधि -
र्दीनार्त्तावनकृद्धनाद्यखिलदा मीनार्त्तिकृल्लोचनी ।
संसारर्त्तिनिदा सुखप्रदपदा केशास्तभृङ्गाम्बुदा
भूयाद् भूतिकरी कवेरतनुजा चोलक्षमाभव्यदा ॥२॥
शोणाम्भोजपदा ऋणप्रभृतिहा काणादिकष्टापहा
पीनोत्तुङ्गकुचा मनोहरगुणा वेनोद्भवाद्यर्चिता ।
कष्टालीहरणी विशिष्टनिखिलाभीष्टप्रदाङ्घ्रिस्मृति -
र्भूयाद् भूतिकरी कवेरतनुजा चोलक्षमाभव्यदा ॥३॥
भाग्याम्भोधिशशी भुजङ्गचिकुरा भक्तामरक्षोणिभू -
र्वार्दाभात्मतनुर्नतेष्टवरदा वार्जार्त्तिकृत्पाणिका ।
रम्याङ्गी सुरपूगनम्यचरणा काम्याम्बुमत्पद्वशा
भूयाद् भूतिकरी कवेरतनुजा चोलक्षमाभव्यदा ॥४॥