श्रीअर्चि:पृथुस्तोत्रम्

पृथ्वीश्वरौ निखिलदेवमुनिव्रजेड्यौ
कारुण्यधीविहितसर्वनतेष्टदानौ ।
विश्वाकृती प्रथितमाकमलाधवांशा -
वर्चि:पृथू सततमाकलयामि चित्ते ॥१॥
हस्त्यादिदौ प्रणयपूर्णहृदम्बुजातौ
वैराग्यदौ नतमुदब्धिशशाङ्गकोटी ।
स्व:स्त्रीडितौ तनुमनोमुखसर्वरम्या -
वर्चि:पृथू सततमाकलयामि चित्ते ॥२॥
पद्मेक्षणौ सकलशास्त्रततिप्रवीणौ
शोणाधरौ ज्वलनकुङ्कुमफालदेशौ ।
ज्ञानप्रदौ तनुरुचाजितभार्मवार्दा -
वर्चि:पृथू सतत माकलयामि चित्ते ॥३॥
ॐरूपिणौ प्रणवतुष्टनिजान्तरङ्गौ
मोक्षप्रदाविहपरत्रसुखावलीदौ ।
आर्द्राशयौ सकलसिद्धिसमृद्धिदौ द्राग् -
अर्चि:पृथू सतत माकलयामि चित्ते ॥४॥
भूभृद्वरौ विभवदायकपादधूली
भेशाननौ नतसमीहितपूर्त्तिसक्तौ ।
विद्येश्वरी कमलसद्मफणीन्द्रतल्पा -
वर्चि:पृथू सततमाकलयामि चित्ते ॥५॥