श्रीपराशरभूशुकस्तोत्रम्

प्रणमदानकदुन्दुभिसोदरी -
तनुजजालपरीक्षिदभिष्टुतौ ।
परमनि:श्वसितोद्भववंशजौ
हृदि करोमि पराशरभूशुकौ ॥१॥
विधुपितामह भामक - धारक -
प्रभृतिसर्वसुरव्रजरूपिणौ ।
उरगभूपतितल्पमहाकले
हृदि करोमि पराशरभूशुकौ ॥२॥
निजविनेयसतीर्थकजैमिनि -
प्रमुखपण्डिततल्लजसंस्तुतौ ।
मितिविहीनकृपामृतशेवधी
हृदि करोमि पराशरभूशुकौ ॥३॥
गणपतिश्रुतिपूगविभाजक -
प्रभृतिविस्मयहेतुविचेष्टितौ ।
कणभुगादिनयव्रजकोविदौ ( दस्मृती )
हृदि करोमि पराशरभूशुकौ ॥४॥
हरिणचिह्नितवर्ष्मकुलोद्भव -
प्रवरशाश्वतभव्यदमार्ग ( वर्त्म ) दौ ।
सुखसमृद्धिदसिद्धिवितारकौ
हृदि करोमि पराशरभूशुकौ ॥५॥