श्रीरामकृष्णस्तव:

काम्याप्यान्यपदौ निरस्तधिषणामालिन्यलभ्याङ्घ्रिकौ
गीर्वाणालिनुतौ भजज्जनजरादुष्पञ्चतावारकौ ।
नम्रालीधनगीर्विधूतधनराड्देवावलीदेशिकौ
कारुण्याम्बुनिधी भजामि सततं श्रीरामकृष्णौ मुदा ॥१॥
श्रीदुर्गासहजौ करीन्द्रपृतनाकोशप्रमुख्यस्पृशौ
नम्राघाहिविपौ भुजङ्गपतितत्तल्पाभिनव्याकृती ।
इन्द्वम्भोजरुची पराशरतनूजातात्मजातेडितौ
सर्वज्ञप्रणतौ भजामि सततं श्रीरामकृष्णौ मुदा ॥२॥
भक्तेष्टव्रजदौ समस्तपुरुषार्भ्यालिविश्राणकौ
पाथोजातदृशौ प्राणम्रहृदयप्रोद्दीपितात्मप्रभौ ।
क्षोनीभारहरौ पयोधिरशनामुख्यत्रिलोकाधिपा -
वाधिव्याधिहरौ भजामि सततं श्रीरामकृष्णौ मुदा ॥३॥
योगिव्रातनुतौ पयोजनिजनुर्गौरीशमुख्येडितौ
शान्तिस्पृङ्नमनौ भवोत्थसकलश्रान्त्यावलीध्वंसकौ ।
भूपीभूतनतौ प्रभूतकृपया सोढानतांहस्तनी
भीतिव्रातहरौ भजामि सततं श्रीरामकृष्णौ मुदा ॥४॥