श्रीमदनस्तोत्रम्

निजपदकमलसमुत्थद्वयनतततिदिविजाग ।
जनिमृतिजनिमयजालप्रशमनरतमदनाव ॥१॥
शरजनिचयपरिपन्थिद्युतिकरकलितसुमेषो ।
शरदरमधुकरभोगिच्छविनिजकचमदनाव ॥२॥
शरदृतुसमयगपाथोधरनिभपटवृतकाय ।
शरनिधिमथनसमुत्थातनुभव मनसिज पाहि ॥३॥
पदयुगनतजनकाम्याखिलवरततिदकटाक्ष ।
त्रिदिवजजनगणनम्यस्वचरणयुग मदनाव ॥४॥
सलिलजनिजसदनाहीट्तनुकृतशयनतनूज ।
सुरुचिरगुणगणरम्यस्वधिषण मनसिज पाहि ॥५॥
निजपदवनजनिभक्तिव्रजमृतिमुखभयनाश ।
श्रमगतनतकरुणाम्मोनिधिमतिनुत मदनाव ॥६॥
मुनिगणविदितनिजेषुव्रजगतनिरुपमशक्ते ।
हिमकरमधुमुखभिन्नोत्तमततिवृत मदनाव ॥७॥
छविजितकमनकशरीरहृदयगधननिभकाय ।
कृतनतवरदनिजाङ्घ्रिस्मृतिलव मनसिज पाहि ॥८॥
भवमृतिजलनिधिकुम्भोद्भ व पदजलनिधिधूले ।
कचजितजलधरनेत्र श्रुतिमधुकर मदनाव ॥९॥
करजलभवलसदिष्टस्पृशिभयचयहृतिचिह्न ।
नतजनवृजिननिकायप्रशमनचण मदनाव ॥१०॥
सितकरसुरभिमृगाक्षीस्तनमुखमुखकरुणाल्या ।
द्विजपतिकलितनिजाङ्घ्रे द्विजपतिसख मदनाव ॥११॥
अनितरसहकृतमघ्वाश्रय हृतशिवमतिदार्ढ्य ।
कृतमुनिहृदयविकारस्वकुसुमशर मदनाव ॥१२॥
स्मृतिलवहृतनतकष्टव्रजनिजचरणपराग ।
अतिजवकृतनमदिष्टस्पृशिनिजपद मदनाव ॥१३॥