ॐ अथ श्रीशास्तृपत्नीस्तुति:

योगिनम्यपदां सुरालिनमस्कृतां जितधीत्वदां
धूतजीवकुबेरगीर्धनदायिनीं हृतदुर्मृतिम् ।
शास्तृचित्तहरां करिप्रमुखप्रदां करुणार्णवं
धूतजीवकुबेरगीर्धनदायिनीं निखिलाघहाम् ॥१॥
स्वर्णवर्णतनुं मुनिव्रजसंस्तुतामहिकुन्तलां
भक्तकाङ्क्षितदां समस्तापुमर्थदां स्थिरभव्यदाम् ।
तत्त्वबोधनभूपतित्वमुखप्रदां हरिणेक्षणां
धूतजीवकुबेरगीर्धनदायिनीं त्रिजगन्नुताम् ॥२॥
दैत्यवृत्तिहरां जितेन्द्रियचिन्तितां हृतरुग्ज्वरां
शान्तिसंस्पृशिहापितश्रमसन्ततिं विवुधेदिताम् ।
पुष्पगर्भकचां भजद्वृजिनापहामभयप्रदां
धूतजीवकुवेरगीर्धनदायिनीयममुख्यदाम् ॥३॥