श्रीपरशुरामकल्किस्तव:

प्रणतदिविजभूरुहौ संसृताम्भोनिधेर्वडवौ
भ्रमरभुजगकुन्तलौ वारिभूगर्वहृत्पाणिकौ ।
विजलजलदवाससौ पादनम्रेष्टसर्वप्रदौ
विधृतपरशुहस्तकल्की भजे मानसे सन्ततम् ॥१॥
विनतसकलकाम्यदौ देवतानम्यपादाम्बुजौ
कुशलततिदरम्यधीवृत्तिकाविन्दिरेशाकृती ।
प्रणतशमनभीहरौ कारुणीसिन्धुचेतोsम्बुजौ
विधृतपरशुहस्तकल्की भजे मानसे सन्ततम् ॥२॥
विबुधविततिवन्दितौ तत्सतीसन्तताभ्यर्चितौ
धरणिरमणलिङ्गधृद्दस्युधूर्तव्रजोन्मूलकौ ।
भवनमरणपारदज्ञादस्वाङ्घिपङ्केरुहौ
विधृतपरशुहस्तकल्की भजे मानसे सन्ततम् ॥३॥
विनतनिखिलपापहौ सर्वसद्गुण्यभाधीप्रदौ
कनकमुखरसर्वदौ मृत्युहृद्वोधदस्वार्चनौ
सकलनयदसंस्मृती विकचपद्मजिल्लोचनौ
विधृतपरशुहस्तकल्की भजे मानसे सन्ततम् ॥४॥