श्रीमदनस्तोत्रम्

त्रिभुवनजननीगुरुतनुभवन ।
मधुमुखकलित नतमव मदन ॥१॥
निरवधिकरुनाजलनिधिहृदय ।
श्रितजनवरद नतमव मदन ॥२॥
इभमुखसकलप्रदपदनमन ।
शिवतनुजनिप नतमव मदन ॥३॥
जितनिजतनुधीमुखततिसुलभ ।
प्रमददचरण नतमव मदन ॥४॥
अधिगतबहुलप्रकृतिकसुकल ।
उडुपतिसख भो नतमव मदन ॥५॥
उरगपशयनप्रजनितसुतनो ।
नतशुभदपद नतमव मदन ॥६॥
सुरगणकलितस्वचरणकमल ।
धनततिदनते नतमव मदन ॥७॥
क्षितिधरतनुजाहरजनिरमण ।
विभवदविनते नतमव मदन ॥८॥
निजपदनतिक्रुद्गुहमुखविबुध ।
विधिमुखविनुत नतमव मदन ॥९॥
पदनतकरुणाजनिगृहहृदय ।
त्रिभुवनविजयिन्नतमव मदन ॥१०॥
दिविभवललनाततिनुतचरण ।
निरुपमसुषम नतमव मदन ॥११॥
जलधिजसुरभिप्रबलितमहिमन् ।
नयततिदनत नतमव मदन ॥१२॥
अधरितकमलस्वनयनयुगल ।
इहपरसुखद नतमव मदन ॥१३॥
श्रुतिततिगदितप्रणवसुनिरत ।
बहुयमिसुलभ नतमव मदन ॥१४॥
निजतनुरुचितो जितसलिलधर ।
यममुखभयहृन्नतमव मदन ॥१५॥