श्री भद्रास्तव:

भक्तेष्टस्पृशिनिपुणा करास्तपद्मा
संसारद्विपभृगप: सितांशुकाढ्या ।
भृङ्गाहिद्युतिचिकुरा वरालिदात्री
श्रीभद्रा मे प्रभवतु विभूतिदात्री ॥१॥
काम्यालीप्रदचरणा कृतान्तभीहा
नम्याङ्घ्रि: कृशनिजकाशमध्यकुक्षि: ।
रम्यस्वावयवतति: कृपासुधाब्धि:
श्रीभद्रा मे प्रभवतु विभूतिदात्री ॥२॥
मेनाद्यर्चितचरणा सुवर्णदात्री
मौनीन्द्रप्रणुतपदा विबोधपात्री
अम्भोदप्रभचिकुरा भवार्तिहन्त्री
श्रीभद्रा मे प्रभवतु विभूतिदात्री ॥३॥
नम्रालीदुरितहरा मनोज्ञगात्री
कम्रास्यापजितविधु: पयोजनेत्री ।
पीनस्वस्तनरुचिरा समस्तदात्री
श्रीभद्रा मे प्रभवतु विभूतिदात्री ॥४॥