युधिष्ठिर उवाच ॥
भगवन्दुगसंसारसागरोत्तारकारकम् । किञ्चिद्व्रतं समाचक्ष्व स्वर्गारोग्यसुखप्रदम् ॥१॥
श्रीकृष्ण उवाच ॥ यदा तु शुक्लसप्तम्यामादित्यस्य दिनं भवेत् । तदा सा तु महापुण्या विजया तु निगद्यते ॥२॥
प्रातर्गव्येन पयसा स्त्रानमस्यां समाचरेत् । शुक्लाम्बरधरः पद्ममक्षतैः परिकल्पयेत् ॥३॥
प्राङ्रमुखोऽष्टदलं मध्ये तद्विचिव्रां च कर्णिकाम् । सर्वेष्वपि दलेष्बेव विन्यसेत्पूर्वतः क्रमात् ॥४॥
पूर्वेण तपनायेति मार्तण्डायेति वै नमः । याम्ये दिवाकरायेति विधाव्रे नैऋतेन च ॥५॥
पश्विमे वरुणायेति भास्करायेति वानिले । सौभ्यं च वरुणायेति रवयेऽन्त्येऽष्टमे दले ॥६॥
आदावन्ते च तन्मध्ये नमोऽस्तु परमात्मने । मन्व्रैत्वें समभ्यर्च्य नमस्कारान्तदीपितैः ॥७॥
शुक्लवस्त्रफलैर्भक्ष्यैर्धूपमाल्यानुलेपनैः । स्थण्डिले पूजयेद्भक्त्या गुडेन लवणेन च ॥८॥
ततो व्याहृतिहोमेन विभज्य द्विजपुङ्गवान् । शक्तितस्तर्पयेद्भक्त्या गुडक्षीरघृतादिभिः ॥९॥
तिलपाव्रं हिरण्य च गरवे च निवेदयेत् । एवं नियमकृत्स्त्रात्वा पातरुत्थाय मानवः ॥१०॥
कृतस्त्रानजपो विप्रैः सहैव घृतपायसम् । भुक्त्वा च वेदविद्वद्भिर्खैडालव्रतबर्जितैः ॥११॥
एवं संवत्सरस्यान्ते कृत्वैतदखिलं नृप । उद्यापयेद्यथाशक्त्या भास्कर संस्मरन्हृदि ॥१२॥
घृतपाव्रं सकरकं सोदकुम्भं निवेदयेत् । वस्त्रालङ्कारसंयुक्तां सुवर्णास्यां पयस्विनीम् ॥१३॥
एकामपि प्रदद्याद्नां वित्तहीनो विमत्सरः । वित्तशाठन्यं न कुर्वीत ततो मोहात्पतत्यधः ॥१४॥
अनेन विधिना यस्तु कुर्यात्कल्याणसप्तमीम् । शृणुयाद्वा पठेद्वापि सोऽपि पापैः प्रमुच्यते ॥१५॥
यश्वाष्टपव्रकमलोदरकर्णिकायां सपूजयेत्कुसुमधूपविलेपनाद्यैः । षष्ठन्याः परेहनि नवार्तिहरं दिनेश कल्याणभाजनमसौ भवते हि जन्तुः ॥१६॥ [ २००१ ]
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे कल्याणसप्तमीव्रतवर्णनं नामाष्टचत्वारिंशोऽध्यायः ॥४८॥