अध्याय १०० - द्वारप्रतिष्ठा

ईश्वर उवाच
द्वाराश्रितप्रतिष्ठाया वक्ष्यामि विधिमप्यथ ॥१॥
द्वाराङ्गानि कषायाद्यैः संस्कृत्य शयने न्यसेत् ॥१॥
मूलमध्याग्रभागेषु त्रयमात्मादिसेश्वरं ॥२॥
विन्यस्य सन्निवेश्याथ(१) हुत्वा जप्त्वात्र रूपतः(२) ॥२॥
द्वारादथो यजेद्वास्तुन्तत्रैवानन्तमन्त्रितः ॥३॥
रत्नादिपञ्चकं न्यस्य शान्तिहोमं विधाय च ॥३॥
यवसिद्धार्थकाक्रान्ता ऋद्धिवृद्धिमहातिलाः ॥४॥
गोमृत्सर्षपरागेन्द्रमोहनीलक्षणामृताः ॥४॥
रोचना रुग्वचो दूर्वा प्रासादधश्च पोटलीं ॥५॥
प्रकृत्योदुम्बरे बद्ध्वा रक्षार्थं प्रणवेन तु ॥५॥
द्वारमुत्तरतः किञ्चिदाश्रितं सन्निवेशयेत् ॥६॥
आत्मतत्त्वमधो न्यस्य विद्यातत्त्वञ्च शाखयोः ॥६॥
शिवमकाशदेशे च व्यापकं सर्वमङ्गले(३) ॥७॥
ततो महेशनाथं च विन्यसेन्मूलमन्त्रतः ॥७॥

इत्याग्नेये महापुराणे द्वारप्रतिष्ठा नाम शततमोऽध्यायः ॥