भावगंगा - कृष्णाची गीता म्हणजे वेदांचे सार

कृष्णाची गीता म्हणजे वेदांचे सार हो
दादा आम्हाला हाय ह्योच आधार
विश्वाला देण्यासाठी एकच विचार हो
दादा आम्हाला हाय ह्योच आधार ॥धृ॥
आदिवासी गिरीवासी आले आले वनवासी
जमलीया संगत बघा कशी खाशी
आली सगळ्याच्या विचारांना धार हो ॥१॥
सागरपुत्र भूमीपुत्र जागे झाले देवीपुत्र
संस्कृतीच्या कामासाठी झिजविती क्षेत्र
आता तरुन जाणार हाय भवसागर हो ॥२॥
हातात गीता आणि हृदयात राम
सर्वांनी करुया प्रभूचे काम
पांडुरंगावर टाकलाय भार हो ॥३॥
आता बदलून जाणार हाय जग हे सारं हो
दादा आम्हाला --- कृष्णाची गीता --- दादा आम्हाला
भक्तीफेरीचं सुटलंय वारं हो
दादा आम्हाला हाय --- कृष्णाची गीता --- दादा आम्हाला