भावगंगा - स्वीकार नवे आव्हान

N/Aस्वीकार नवे आव्हान, स्वीकार नवे आव्हान
तुझ्या नसांमधिं दादा भरतिल नव नागांचे प्राण ॥धृ॥
सनातुनी तुज म्हणतिल कोणी
नवमतवादी देतिल कोणी
दृढतेला दाविती ऐरणी
सांग तयांना विश्वासाने ‘प्रिय मज गीता-गान’ ॥१॥
ऊठ उभा हो हिमालयापरि
पवित्रता साठव गंगेपरि
अवतारांचे कार्य सावरी
मातीचा अभिमान धरुनि वद ‘प्रिय मज गीता-गान’ ॥२॥
उंच रवाने सांग जगाला
‘आई’ वद रे निज आईला
लाज कशाची त्यात कुणाला
वात्सल्याला जागत म्हण तू ‘प्रिय मज गीता-गान’ ॥३॥
उदार घन-धारांचे साहस
तृप्तविते धरतीचे मानस
गीतेमधि तर सगळे नवरस
घे पिउनी, अनुभव सांगत म्हण ‘प्रिय मज गीता-गान’ ॥४॥