भावगंगा - प्रार्थना करा

अर्थनेस अर्थ नसे प्रार्थना करा
जीवन देवाच्या चरणीं धरा ॥धृ॥
आले मनीं तर प्रभुपाशी मागा
अन्यायास देउ नका ही मोठी जागा
न याचिता देई; त्याला स्मरा
जीवन देवाच्या चरणीं धरा ॥१॥
‘कर्ता मी मोठा’ गर्व न करावा
यज्ञीय कामाचा महिमा जाणावा
यशाच्या वाट्यात मैत्री करा
जीवन देवाच्या चरणीं धरा ॥२॥
कार्याचा महिमा विश्वास वाढवी
ऐक्यात राजी प्रभू शंका नसावी
वात्सल्य शिंपून कार्य करा
‍जीवन देवाच्या चरणीं धरा ॥३॥
ध्येयात धरसोड कामास घातकी
तपशील-वाद नको हट्टही शासकी
बुद्धीचा समतोल एक ती धुरा
जीवन देवाच्या चरणीं धरा ॥४॥