॥ अथ गुणाः ॥

स्वर्णं शीतं पवित्रं क्षयवमिकसनश्वासमेहास्रपित्त - क्षैण्यक्ष्वेडक्षतास्रप्रदरगदहरं स्वादुतिक्तं कषायम्‌ ।
वृष्यं मेघाग्निकान्तिप्रदमधुरसरं कार्श्यहारि त्रिदोषोन्मादापस्यारशूलज्वरजयि वपुषो बृंहणं नेत्रपथ्यम्‌ ॥१॥
एतद्भस्म सुवर्णजं कटु घृतोपेतं द्विगुञ्जोन्मितं लीढं हन्ति नृणां क्षयाग्निसदनं श्वासं च कासारुची ।
ओजोधातुविवर्धनं बलकरं पाण्ड्वामयध्वंसनं पथ्यं सर्वविषापहं गदहरं दुष्टग्रहण्यादिहृत्‌ ॥२॥
बलं च वीर्यं नराणां रोगव्रजान्पोषयतीहकाये ।
असौख्यकार्येव सदैव हेमापक्तं सदोषं मरणं करोति ॥३॥