॥ अथ दुग्धगुणाः ॥

दीप्तानले कृशे पुंसि बाले वृद्धे रतिप्रिये ।
मतं हिततमं यस्मात्सद्यः शुक्रकरं पयः ॥१॥
जीर्णज्वरे मूत्रकृच्छ्रे रक्तपित्ते मदात्यये ।
कासे श्वासे प्रशंसन्ति गव्यं क्षीरं भिषग्वराः ॥२॥
गोक्षीरं मधुरं शीत्तं गुरु स्निग्धं रसायनम्‌ ।
बृंहणं स्तन्यकृद्बल्यं जीवनं वातपित्तनुत्‌ ॥३॥
गव्यं माहिषमाजं च कारभं स्त्रैणमाविकम्‌ ।
ऐभमैकशफं चेति क्षीरमष्टविधं मतम्‌ ॥४॥