एकसष्टावी करुनी, वंदिले शंकर ॥ काय ही किंकर, गाई तुज ॥६१॥
बासष्टावी केली, जोडिते मी हात ॥ तूचि माझा तात, हेचि सत्य ॥६२॥
त्रेसष्टावी करुनी, जोडिले म्या पाणी ॥ असे तुझी राणी, माय माझी ॥६३॥
चवसष्टावी करुनी, पाहिले त्वद्भात्र ॥ असे तुजा पुत्र,बंधू माझा ॥६४॥
पासष्टावी करुनी, वंदी सदाशिव ॥ आनंदला जीव, पाहुनिया ॥६५॥
सासष्टावी केली, तुज उमाकांत ॥ करी माझा शांत अहंकार ॥६६॥
केली प्रदक्षिणा, सदुसष्टावी शिवा ॥ सापडला ठेवा, पूर्व पुण्ये ॥६७॥
अडसष्टावी केली, प्रदक्षिना आता ॥ तुज विश्वनाथा, विनवीते ॥६८॥
एकुणसत्तरावी, झाली माझी फेरी ॥ राहो मदनारी, चित्ती माझ्या ॥६९॥
प्रदक्षिणा भावे, केली सत्तरावी ॥ दिगंबरा द्यवी, भेट आता ॥७०॥
एकाहत्तरावी, भावे केली रुद्रा ॥ वासना अभद्रा, हरि माझ्या ॥७१॥
बाहत्तरावी प्रेमे, प्रदक्षिणा केली ॥ होवो चंद्रमौळी, समर्पण ॥७२॥
त्र्याहत्तरावी फेरी, माझी नीळकंठा ॥ वाटे देव मोठा, हाचि मज ॥७३॥
चवर्याहत्तरावी, केली गंगाधरा ॥ दैवत माहेरा, हेचि असे ॥७४॥
पंचाहत्तरावी, जगसंहारकासी ॥ मज अर्भकास, ज्ञान देई ॥७५॥
माझी प्रदक्षिना, शाहत्तरावी झाली ॥ अवचित आली, स्फूर्ती मज ॥७६॥
सत्याहत्तरावी, केली उमापती ॥ होत माझ्या चित्ती, बहू हर्ष ॥७७॥
अठ्याहत्तरावी, धरुनी मी मौना ॥ करि प्रदक्षिणा, पंचवदना ॥७८॥
पशुपतीस केली, एकूणऐशीवी ॥ मूर्ति ती वसावी, ह्रदयी माझ्या ॥७९॥
ऐशीवी करुनी, रामप्राणमित्रा ॥ जपी शिवस्तोत्रा, कृष्णा सदा ॥८०॥