तुटलेले दुवे - देऊ सिञ्चुनि आपुलें रुधिर...

देऊ सिञ्चुनि आपुलें रुधिर जो राष्ट्रास सञ्जीवन,
कण्ठी जीवित शान्तिहीन खपुनी घोरांमधे भीषण,
त्याचें भङगुनि राष्ट्र जात असतां त्याच्याच का वंशजें
व्हावेम मत्त सुखासवें ? मन कसें त्या पामराला भजे ?
अज्ञानांत असंस्कृतींत पडले त्यां शुद्धरूं या चला
यासाठी वनवास पत्करुनि जो फेकूं प्रभा लागला,
श्रीश्वर्याकुल आज तत्प्रतिनिधी लक्षी प्रकाशास न ?
त्याचें वन्द्य कुठूनि राहिल जरी प्राचीन धर्मासन ?
गेलें का अमुचें कृतज्ञपण तें सारें लयाला जुनें
ज्याच्यावीण जिणेंहि केवळ कसें वाटे जिवाला सुनें ?
चाले जें कलहात्मजीवित परी चोहीकडे भूवरी
राष्ट्रीयत्व तयामध्ये झगडुनी जीवन्त ठेवूं तरी
स्वातन्त्र्यांत मिळेल भाकर सुखें सर्वांस सेवायला -
ओवाळीन जिवास त्यावरुनि मी राष्ट्रार्थ जो भागला.

२७ जून १९३३