तुटलेले दुवे - माझी होशिल काय ? शब्द सहज...

माझी होशिल काय ? शब्द सहजी टाकूं नये टाकिला
तारुण्यामधि ऐकदाच तुज तो - तों जाहलों निष्प्रभ !
चातुर्थे जर गाढ भाव असता मौनांत मीं झाकिला,
तूतेंही कळतें कशावरुनि गे की मी तुझा वल्लभ ?
हातांतूनि सुटूं नये निसटुनी गेला सुटूनी शर,
होता तो शर काय ? हार, धरिला तू का न त्याला ऊरीं ?
तूही गि ऐन्दुमती न, कां बिचकशी ? नातें किती सुन्दर
मी तूझा अनिरुद्ध तू मम ऊशा ! होती किती माधुरी !
नाही का तुज शक्य तो विसरणें वेडेपणाचा क्षण ?
माफी कां न तुझ्या ऊदार हृदयी ? का मी महापातकी ?
कोठे पूर्विल ती अगत्यममता ? होशी कशी निर्घुण ?

२४ मार्च १९२३

स्थायी भाव असूनि येथ रतिचा कां शोक या नाटकीं ?
कोठेही अनिकेत मी भटकतों माळावरी ऐकला,
चैत्रींची मधुकौमुदी न मुदिता, सन्तप्त भासे मला.