तुटलेले दुवे - भोळा ऐक किशोर हासत तुवां ...

भोळा ऐक किशोर हासत तुवां जाळ्यामधे ओढिला
अन सम्बोधुनि त्यास ऐक समयीं श्रीशारदा - किङकर
तू प्रीत्यङकुर लाविला वरसुनी द्दग्वाक्सुधाशीकर
झाळ्यानन्तर आणभाक तरु तो तू लीलया मोडिला.
त्याला ओठसुरा विलासचतुरे आधी तुवां पाजिली.
जातां झिङगुनि तो कठोर हृदयें केलें दुरी त्याजला;
‘आहेस प्रिय तू परी खचित ये पन्ती न व्हाया मला”
याचा अर्थ मुळी न त्यास कळला, त्वत्प्रीति झाली शिळी.
आविर्भूत तुझ्यामधेच पहिली प्रीती तयें पाहिली
यासाठीच हलाहलासम तुझें चाञ्चल्य तो प्राशुनी
घेऊ शामक रामनाम, जगती वाटे तयाला सुनी;
दावी शान्त गभीरता वरि जरी हो अन्तरीं काहिली.
तत्प्रेमास अपात्र तू कळुनि तो कष्टी असाधारण,
तू त्याला लहरींत नाम दिधलें नेमें करी धारण.

२ जून १९२३