तुटलेले दुवे - लाटा हासत लोळती, खिदळती, ...

लाटा हासत लोळती, खिदळती, आलिङिगती, चुम्बिती;
सोन्याची क्षितिजावरी झळझळे कीं सिन्धुजा द्वारका ?
शोभे अर्ध विशाळ बिम्ब रविचें किंवा महाद्वार का ?
गेला रङगुनि तो मुलापरि दुरी, दिग दुक्ख तें दाविती.
आला सम्पत खेळ, वायु दमला खेळूनिया शीणतां,
लाटा पेङगत विस्मृतींमधि हळू जाती विरूनी सुखें;
कारञ्जें द्युतिचें पहा विरमलें, सृष्टी अता अन्धुके;
अन्धारासमवेत शान्ति पसरे का ही ऊदासीनता ?
येथे टेकुनि आपुली हनुवटी हा यष्टिटोकावरी
बैसे कोण शिलेवरी ? टक अता लावी कशाला दुरी ?
अन्धारांतुनि तारका कवण ती दे यास द्दङमाधुरी ?
याला काय समाधि लावुनि करी निष्चेष्ट चित्रापरी ?
वाजे पाऊल, तो बघे, झणि ऊठे, मी देखतां देखतां
जाऊ दूर तमांत तो मिसळुनी - मी राहिलों ऐकटा.

२१ फेब्रुवारी १९१४