धर्मसिंधु - पत्रिकापूजन

आश्चिन शुद्ध सप्तमी, अष्टमी व नवमी या तिन्ही दिवशी पत्रिका पूजन करावे. या समयी सप्तमी इत्यादि तिन्ही तिथी सूर्योदयी जरी दोन घटका असल्या तरी घ्याव्या. त्याचे अधिवासन वगैरे प्रयोगाचा विस्तार कौस्तुभादि ग्रंथात पहावा. सप्तमीपासून तीन दिवसपर्यंत जे नवरात्रव्रत करतात त्याविषयी, सप्तमी सूर्योदयानंतर दोन घटकांहून अधिक व्यापिनी असेल ती घ्यावी. दोन घटकांहून जर कमी असेल तर आदल्या दिवसाची घ्यावी.