द्विहस्त भुजासन *

(चित्र क्र.३४५)
द्वि म्हणजे दोन; हस्त म्हणजे हात आणि भुज म्हणजे दंड. एकहस्त भुजासनाचा (चित्र क्र. ३४४) हा एक वेगळा प्रकार आहे.

पध्दती
१. पावलांमध्ये १८ इंच अंतर ठेवून उभे राहा.
२. गुडघे वाकवा आणि दोन्ही तळहात पायांच्या मध्ये जमिनीवर टेका.
३. उजवा पाय उजव्या दंडावरुन पलीकडे आणून उजव्या मांडीची मागची बाजू उजव्या दंडाच्या मागच्या बाजूवर टेका. त्याचप्रमाणे डावी मांडी डाव्या दंडावर टेका.
४. श्वास सोडा. पावले जमिनीवरुन उचला आणि हातांवर शरीराचा तोल सांभाळा. हात सरळ ताणा आणि पावले उंचावर एकत्र ठेवा. (चित्र क्र. ३४५)
५. नेहमीप्रमाणे श्वसन करीत या स्थितीत २० ते ३० सेकंद राहा.
६. श्वास सोडा. कोपरे वाकवा. शरीर खाली जमिनीवर आणा. पाय मोकळे करा. ते सरळ समोर पसरा आणि विसावा घ्या.

परिणाम
या आसनापासून एकहस्त भुजासनासारखेच फायदे मिळतात.