दण्डासन *

(चित्र क्र. ७७)
(दंड म्हणजे काठी किंवा सोटा.)
२. श्वास सोडा. धड मागच्या बाजूला रोखलेले ठेवा आणि त्याच वेळी जमिनीवरुन पाय उचला. पाय काठीसारखे ताठ आणि घोटयाशी घट्ट आवळलेले असू द्या. पायाची बोटे रोखलेली असू द्या. आता शरीराचा तोल केवळ कुल्ल्यांवर सांभाळला जाईल. कण्याचा कोणताही भाग जमिनीवर टेकणार नाही अशी काळजी घ्या. कण्याशी पायांचा कोन ६० ते ६५ अंशांचा असावा. पावले डोक्यापेक्षा उंचावर असावीत. ती अर्धनावासनाप्रमाणे (चित्र क्र. ७९) डोक्याच्या पातळीत नसावीत.
३. जमिनीवरुन तळहात उचला आणि हात पुढे पसरा. ते जमिनीशी समांतर आणि मांडयांच्या जवळ ठेवा. खांदे आणि तळहात एका पातळीत असू द्या आणि तळहात एकमेकांसमोर वळलेले असू द्या. (चित्र क्र. ७८)
४. या स्थितीत नेहमीसारखे श्वसन करीत अर्धे मिनिट रहा. हळूहळू हा वेळ वाढवीत एक मिनिटापर्यंत न्या. या व्यायामाचा परिणाम २० सेकंदांतच जाणवू लागतो.
५. श्वास सोडा. हात खाली आणा. पाय जमिनीवर ठेवा. उताणे झोपून विसावा घ्या.

परिणाम
वायुविकारांमुळे ज्यांच्या पोटात गुबारा धरतो तसेच ज्यांना जठरविकार आहेत, अशा व्यक्ती या आसनामुळे रोगमुक्त होतात. या आसनामुळे कंबरेचा मेद झडतो आणि मूत्रपिंड सुदृढ बनतात.