आत्मविश्वास - कां मग खंती - जग सगळें मा...

कां मग खंती - जग सगळें माझ्या हातीं.
गिरीवरुनि हा जलौघ सुटला,
तो मग काय कुणाला भ्याला ?
कंपित जाई गिरिशिखराला १

दु:खसंकटांनो या आतां,
भीति स्पर्शुं शकेना चित्ता,
जाइन मी मम शोधुनि पंथा,
ईश्वर त्राता - मग मला कशाची चिंता ? २

वाटाडया भववनीं असे तो.
आप्तमित्र मम बांधवही तो,
आप्तमित्र मम बांधवही तो.
तोच गुरु विज्ञाना देतो,
धनी जगताचा - प्रेमळ तो जनकच माझा. ३

जग होवो मजवर उफराटें.
पसरो मार्गीं अविरल कांटे,
जाइन मी मम इच्छित वाटे.
जगा सुखवाया - घालवीन जन्म न वांया, ४