बीज - आहे बीज म्हणोनि आज तुजला ...

आहे बीज म्हणोनि आज तुजला चंद्रा ! बघोनी मनीं
माझीही मगिनी असेल नयनें माझ्याकडे लावुनी,
आला कंठ असेल दाटुनि तिचा, नाना मनीं भावना
योवीनी असतील त्या करितही दु:खी तियेच्या मना.
ताई, भाऊ तुझाडि त्याच बघतो चंद्राकडे या क्षणीं;
आणोनी तव मूर्ति चित्तफलकीं उद्विग्न तोही मनीं.
कालें घोर दरी जरी पसरिली प्र्मामधें दु:खदा
प्रीतीनें परि एकरूपच असूं मी तूं पहा सर्वदा
घेवोनी करिं दीप, अक्षत तुवां चंद्राकडे फेकुनी,
भाऊ आज कुठें असेल म्हणतां जें होय तुझ्या मनीं,
तें तेथें ; परि गे, क्षणीं मम मनीं नेत्रांतुनी धांवती
हे अश्रू तुज तेच घालित असें ओवाळणी संप्रती